FAQs Complain Problems

ग्यालरी

प्रेस विज्ञप्ति
( ६ बैशाख, २०७६)

नेपाल सरकार एवम्  विभिन्न सरकारी निकायहरुलाई विद्युत्तीय माध्यमबाट बैंक खाता मार्फत् भुक्तानी कारोबार गराउने प्रतिबद्धता संगै, गण्डकी प्रदेश अन्तर्गतको वालिङ नगरपालिकाको विभिन्न भुक्तानी लिने तथा दिने कारोबारहरु पनि अब नेपाल क्लियरिङ्ग हाउस लिमिटेडले विद्युत्तीय भुक्तानी प्रणालीहरु मार्फत् अनलाईनबाट गराउने भएको छ । यसै सन्दर्भमा आज वालिङ नगरपालिका र नेपाल क्लियरिङ्ग हाउस लिमिटेड बीच सम्झौता भएको  छ र सम्झौता पत्रमा वालिङ नगरपालिकाका तर्फबाट नगरप्रमुख श्री दिलिप प्रताप खाँडज्यू एवम् नेपाल क्लियरिङ्ग हाउस लिमिटेडका प्रमुख कार्यकारी अधिकृत निलेश मान सिंह प्रधान ज्यूले हस्ताक्षर गर्नुभएको छ।

उक्त सम्झौता अनुसार वालिङ नगरपालिकाको मातहतमा हुने सम्पूर्ण भुक्तानी कारोबारहरु, विद्युतीय माध्यमबाट सहज तरिकाले गराउन नेपाल क्लियरिङ्ग हाउस लिमिटेडले आवश्यक सहकार्य एवम् संचालन गर्दै आएका विभिन्न  विद्युत्तीय भुक्तानी प्रणालीहरु उपलब्ध गराउने छ ।नेपाल राष्ट्र बैंक, बैंक वित्तीय संस्थाहरु र स्मार्ट च्वाइस टेक्नोलोजीबाट प्रवद्वित नेपाल क्लियरिङ्ग हाउस लिमिटेडले विभिन्न राष्ट्रिय स्तरका भुक्तानी प्रणालीहरु स्थापना र सञ्चालन गर्ने उद्देश्य लिएको छ । हालसम्म विद्युतीय माध्यमबाट चेकको राफसाफ गर्ने प्रणाली (NCHL-ECC), Direct debit/ Direct credit को लागि अन्तरबैंक विद्युतीय भुक्तानी प्रणाली (NCHL-IPS) र अनलाईन मार्फत सर्वसाधारणले सजिलैसँग विद्युतीय भुक्तानी गर्न सकिने connectIPs\ e-Payment प्रणाली लागु गरी सञ्चालन गर्दै आएको छ । connectIPs मार्फत अनलाईन फण्ड ट्रान्सफर, नेपाल सरकारको राजस्व भुक्तानी, सेयर ब्रोकरको भुक्तानी, क्रेडिट कार्डको भुक्तानी, मोबाईल वालेट लगायतका विभिन्न कारोबारहरु गर्न सकिन्छ ।थप जानकारीका लागि www.nchl.com.np हेर्न सकिन्छ ।

 

, , ,

छाता संस्था, नेपाल र वालिङ नगरपालिकाबीच करीब एक करोड बराबरको कार्यक्रम गर्ने सम्झौता, सम्झौतामा हस्ताक्षर गर्दै नगर प्रमुख श्री दिलीप प्रताप खाँण तथा छाता संस्था, नेपालका अध्यक्ष श्री मेघ आले ।

मिति २०७५।१२।२८ गते यस वालिङ नगर कार्यपालिकाको कार्यालयबाट सरुवा भइ जान लाग्नुभएका शाखा अधिकृत श्री बावुराम न्यौपाने, लेखापाल श्री कृष्ण बहादुर पराजुली, वडा सचिव श्री नारायण शर्मा र कम्प्युटर अपरेटर श्री बसन्त थापालाई बिदाई गरियो। कार्यक्रममा नगर प्रमुख श्री दिलिप प्रताप खाँण, उपप्रमुख श्री कल्पना तिवारी, प्रमुख प्रशासकीय अधिकृत श्री गुरुदत्त सुवेदी, नगरपालिका अन्तरगतका कर्मचारी साथीहरु, कर्मचारी मिलन केन्द्र, वालिङका साथीहरुसमेतको उपस्थिति थियो ।
 

, , , , , , , ,

स्थानिय तहमा प्रयाप्त राेजगारी सृजना गरी सबैका लागि न्यूनतम राेजगारी प्रदान गर्ने उद्देश्यले सञ्चालनमा रहेको प्रधानमन्त्री राेजगार कार्यक्रम सम्बन्धी जानकारीमुलक अन्तरक्रिया कार्यक्रममा वालिङ नगरपालिकाकाे सभाहलभित्रका तस्विरहरू । कार्यक्रममा नगर प्रमुख, उपप्रमुख, प्रमुख प्रशासकीय अधिकृत, कर्मचारीहरु, पत्रकारहरु, अन्य संघसस्थाका कर्मचारीहरु आदिको सहभागिता थियो ।

, , , , , ,

आज मिति २०७५-१२-२६ गते मंगलबारका दिन ललितपुर महानगरपालिकाका उपप्रमुख श्री गीता सत्यालज्यूको संयोजकत्वमा वालिङ नगरपालिकामा स्वास्थ्य तथा सरसफाई सम्बन्धी अध्ययन अवलोकन भ्रमण कार्यक्रमको सन्दर्भमा अन्तरक्रिया कार्यक्रम सम्पन्न भएको छ । सो कार्यक्रममा वालिङ नगरपालिकामा सुरु गरिएको Smart Health तथा नगरपालिकाको सरसफाईको बारेमा चर्चा गरिएको थियो । कार्यक्रममा वालिङ नगरपालिकाका प्रमुख श्री दिलीप प्रताप खाँण ज्यू, उपप्रमुख श्री कल्पना तिवारी ज्यू , प्र.प्र.अ. श्री गुरुदत्त सुवेदी ज्यू लगायत अन्य कर्मचारीहरु  साथै  ललितपुर महानगरपालिकाको तर्फबाट उपप्रमुख श्री गीता सत्यालज्यू, समाज कल्याण महाशाखा  तथा जनस्वास्थ्य शाखा अन्तरगतका सम्पूर्ण स्वास्थ्य केन्द्र, सामाजिक विकास समितिका पदाधिकारीहरु लगायत प्रशासनिक कर्मचारीहरुको उपस्थित रहेको थियो । 

 

, , , , , , ,

नगर उपप्रमुख श्री कल्पना तिवारी, ११ नं. वडा अध्यक्ष श्री बसन्त कुमार मल्ल लगायत वडाका जनप्रतिनिधिज्यूहरुको समुपस्थितिमा २ दिने उद्घोषण तालिम सम्पन्न भएको छ । 

, , , ,

वालिङ नगरपालिका वडा नं. २, छतिउन डाँडा, सार्वजनिक चाैरमा  वर्ष ३० औं वर्ष अघि देखि कच्ची घर निर्माण गरी बस्दै आएकाेमा २०७२ सालकाे विनासकारी महा-भुकम्प पश्चात भूकम्प लाभग्राही सूचिमा सुचिकृत विना वि.क. र रेशम वि.क. लाई नेपाल सरकार, पूनर्निर्माण प्राधिकरणकाे नियमानुसार नेपाल अधिराज्य भर एकाघर परिवारकाे नाममा जग्गा नभएका लाभग्राहीलाइ प्रकृया पुरा गरी जग्गा उपलब्ध गराइने व्यवस्था भएअनुरुप प्राप्त जग्गाको जग्गाधनी प्रमाणपुर्जा नगर प्रमुख श्री दिलिप प्रताप खांण ज्यूबाट हस्तान्तरण गरिएकाे कार्यक्रमका झलकहरू।

, ,

वालिङ, १२ चैत ।
आवधिक नगर उद्यम विकास रणनीतिक योजना सम्बन्धी एकदिने गोष्ठी मंगलबार नगरपालिकाको सभाहलमा सम्पन्न भएको छ । घरेलु तथा साना उद्योग विकास समिति, स्याङ्जाको सहयोग तथा वालिङ नगरपालिका एवम् संगम तालिम तथा परामर्श केन्द्र, म्याग्दीको आयोजना उक्त गोष्ठी सम्पन्न भएको हो ।
वालिङ नगरपालिकाका जनप्रतिनिधिहरुको सहभागिता रहेको उक्त गोष्ठीमा बोल्दै वालिङ नगर प्रमुख दिलिपप्रताप खाँणले वालिङ नगरपालिकाका प्रत्येक वडामा उद्यमशिलतालाई बढाउँदै लगिने बताउनुभयो । “वालिङमा नयाँ नयाँ उद्योगहरु स्थापना एवम् नयाँ नयाँ उद्यमीहरुको विकासमा सहयोग गर्नेछौं” नगर प्रमुख खाँणले भन्नुभयो, “यहाँ भैरहेका उद्योग तथा उद्यमीहरुलाई थप प्रोत्साहन पुग्ने गरी योजना बनाउँछौं ।”
गोष्ठीमा उद्यम विकास योजना तर्जुमा प्रक्रिया, योजना तर्जुमा गर्दा ध्यान दिनुपर्ने विषयहरु, एकीकृत उद्यम विकास मोडल लगायतका विषयहरुमा छलफल एवम् अन्तरक्रिया भएको थियो । नगरपालिका योजनाबद्धरुपले लक्ष्य प्राप्तिका लागि अगाडि बढ्ने बताउँदै सबै वडालाई नगरको उद्यम विकासका लागि हातेमालो गर्न पनि नगर प्रमुख खाँणले आग्रह गर्नुभयो ।

 

, ,

वालिङ, २४ फागुन २०७५

१०९ औं अन्तराष्ट्रिय नारी दिवसका अवसरमा वालिङ नगर कार्यपालिकाको आयोजनामा शुक्रबार वालिङमा खुल्ला महिला वक्तृत्वकला प्रतियोगिता गरिएको छ । ‘लैङगिक समानताका लागि समान सोच र व्यवहार समृद्धिको आधार’ भन्ने नाराका साथ यस वर्षको नारी दिवस मनाइएको हो । वालिङ नगरभित्र रहेका विभिन्न विद्यालयका छात्राहरु तथा अन्य महिलाहरु गरी आठ जनाले प्रतियोगितामा सहभागिता जनाएका थिए भने अप्रतियोगिको रुपमा पनि सहभागी महिलाहरुले आ–आफ्ना भनाईहरु राखेका थिए । प्रतियोगितामा नेपाल आदर्श क्याम्पसकी सम्झना कोईराला प्रथम, पाईनिअज बोर्डिङ स्कूलकी रचना थापा द्वितीय र नेपाल आदर्श क्याम्पसकी राधा पंगेनीले तृतीय स्थान प्राप्त गर्नुभएको थियो । बिजेताहरुलाई पुरस्कार तथा प्रमाणपत्र वितरण गर्दै वालिङ नगर प्रमुख दिलिपप्रताप खाँणले समाज परिवर्तन हुनका लागि सबैभन्दा पहिले हरेक व्यक्तिको सोचमा परिवर्तन आवश्यक रहेको बताउनुभएको छ । उहाँले लिङ्गका आधारमा गरिने विभेदको अन्त्यका लागि समाजमा सकारात्मक विचार प्रवाह गर्दै जानुपर्नेमा जोड दिनुभयो । “विगतका दिनहरुको तुलनामा समाज खुल्ला हुँदै गएको छ चेतनाको विकास क्रमशः बढ्दै गएको छ” नगर प्रमुख खाँणले भन्नुभयो, “अहिले भईरहेको चेतनाको स्तरबाट सन्तुष्टि गर्न सकिने अवस्था छैन र यो पूर्ण पनि होईन ।” अब बस्ती बस्तीहरुमा सकारात्मक सोचका दियो बाल्दै अगाडि बढ्नुपर्नेमा जोड दिंदै नगर प्रमुख खाँणले नारी र पुरुषबीच विभेद छैन र हुनुहुन्न भन्ने विचार प्रवाह गर्दै कार्यान्वयन पक्षलाई पनि मजबुत बनाउनुपर्ने धारणा राख्नुभयो । कार्यक्रममा नगर उपप्रमुख कल्पना तिवारीले मानिसको सोच र व्यवहारमा परिवर्तन हुनु आवश्यक रहेको बताउनुभयो । उहाँले महिला अधिकारका कुरा गर्दै गर्दा पुरुषको अधिकार खोस्न नभई पहिला विस्थापित भएका अधिकारहरुलाई पुनर्स्थापित गर्न खोजेको उल्लेख गर्नुभयो । वक्तृत्वकला प्रतियोगितामा प्रमुख प्रशासकीय अधिकृत गुरुदत्त सुवेदीले प्रतियोगितामा पालना गर्नुपर्ने नियमका बारेमा जानकारी गराउनुभएको थियो । कार्यक्रममा नेपाली काँग्रेसका नगर सचिव भुपराज बगाले, राष्ट्रिय जनमोर्चाका जिल्ला अध्यक्ष राजेन्द्र प्रसाद गैह्रेले वास्तविक पीडित महिलाहरुको सहभागितालाई बढाउन सके अझै सान्दर्भिक हुने विचार व्यक्त गर्नुभयो । प्रमुख प्रशासकीय अधिकृत गुरुदत्त सुबेदीको स्वागतसँगै शुरु भएको कार्यक्रम नगर उपप्रमुख कल्पना तिवारीको सभापतित्वमा सम्पन्न भएको थियो भने सञ्चालन कार्यपालिका सदस्य युगमाया पंगेनीले गर्नुभएको थियो ।

, , ,

आज मिति २०७५/११/१ गते नगर प्रमुख श्री दिलिप प्रताप खाँण ज्यू , नगर उपप्रमुख श्री कल्पना तिवारी ज्यू, वडा अध्यक्षज्यूहरु तथा कार्यपालिका सदस्य ज्यूहरु बाट The Asia Foundation का Vice President Ken Krug, फाईनान्स अफिसर कमल विष्ट र प्रोगाम अफिसर आश्रय पाण्डे लगायत COMMITTED NEPAL को टिमलाई नगरपालिका अन्तर्गतका योजना तथा गतिविधिहरुको बारेमा जानकारी गराउनु हुँदै ।

, , , ,

Pages